|
Tippaskogløypa - opptur for turfolket! |
|
søndag 03. januar 2010 |
Den nye rundløypa frå Harpefossen, gjennom Tippaskogen til Sevlandsetra, og tilbake til Harpefossen langs Postvegen, er no fint preparert og klar til bruk. Løypa er 7,5 km lang og går i lett og fint kupert terreng, og har blitt svært godt motteken av dei som er glad i gå på langrennski, skøyting eller klassisk.
På sørsida passerar du Tippasetra og Nakkesetra og har kjempeflott utsikt til skibakkane og hyttefelta. Når du kjem til idylliske Sevlandsetra kjem du inn på løypa langs Postvegen. Vi anbefalar at du tar avstikkaren opp bakken til Brekka. Her er fantastisk flott utsikt utover Hjelmelandsdalen og fjellheimen i vest. Du får ei frisk utforkøyring ned igjen, og så går turen attende til Harpefossen gjennom det særprega setremiljøet på Bjørhovdesetra og Naustdalsetra. Etter ein slik tur smakar svelene og kakaoen på Varmestova ekstra godt.
God tur!
|
|
|
mandag 14. desember 2009 |
|
Ny vaktliste for sesongen 2009-10 er no sendt ut. Lista omfattar ca 90 personar som skal fylle ca 730 vakter på skiheisar, billettsalg, preparering og skiutleige. I tillegg kjem vaktlista for parkeringsvaktene, som Haugen og Stårheim IL organiserar og som gjev idrettslaga opp imot kr 100.000,- i sårt tiltrengte inntekter.
Vi er takksame for at so mange er viljuge til å stille opp på desse listene, og anna dugnadsarbeid i skisenteret. Tilsaman blir det utført over 5.000 timar friviljug arbeid gjennom året, og vi er heilt avhengige av denne innsatsen for å kunne oppretthalde drifta.
Det er også utarbeidd prosedyrer for dei ulike arbeidsområda, og vi tilrår at vaktene les igjennom desse no før ein ny sesong startar. Vaktlister og prosedyrer finn du her...
|
|
|
Billettbua blir open i helga |
|
onsdag 09. desember 2009 |
|
Også denne helga vil vi bemanne billettbua både laurdag og søndag 12.00-15.00 slik at folk kan kjøpe seg sesongkort/familiekort. I desember månad vil det vere mulig å kjøpe sesongkort/familiekort i sportsforretningane på Eid og på G-Sport i Måløy. Du kan også kjøpe sesongkort /familiekort ved hjelp av e-post og nettbank. Oppskrifta på korleis det kan gjerast finn du her...
Vi minner om at vi gjev 10% rabatt på lokale sesongkort og familiekort fram til jul. Kjempefin julegåve for heile familien!
|
|
|
|
<< Start < Forrige 1 2 3 4 5 6 7 8 9 10 Neste > Slutt >>
|
| Resultat 51 - 60 av 162 |
