Vi har no opna "ny" skiutleige i kjellaren under varmestova. Her  kan du leige nytt og moderne skiutstyr til fornuftige prisar. Vi har alpinutstyr, snøbrett og turski, alt er nytt og av god kvalitet.
Vi har også briller, fangreimar, luer og vottar til sals.

Vi kan også tilby preparering av ski og snøbrett. Dette omfattar voksing av såle og sliping av stålkantar. Vi er sjølvsagt også hjelpsame  med justering og innstilling av bindingar.

Opningstider og prisar finn du her...
Skiutleiga er i prinsippet open når skiheisane er opne. Om du skulle møte stengt dør, ber vi deg ta kontakt enten med kiosken i varmestova eller  billettbua. 

Vi har ei stund arbeidd for å få den politiske leiinga i Eid med på ei synfaring her på Harpefossen, både for å vise fram alt som har skjedd av utvikling dei siste åra, og ikkje minst for å informere om det neste store utbyggingsprosjektet - fjellheisen på Furuhogane. I går hadde formannskapet lagt møtet sitt til varmestova her i skisenteret, og i framkant av møtet fekk dei seg ein rundtur i området, og fekk sett på hyttefelta og området der den nye fjellheisen er planlagt.
Tilbake i varmestova fekk dei servert ein fyldig presentasjon av planane våre, samt eit godt måltid mat. Velviljen og tilbakemeldingane og  frå politikarane var eintydig positive etter synfaringa og presentasjonen, (sjølv om somme kanskje hadde kledd seg i tynnaste laget i den friske vinden oppe i fjellet)  Så då gjenstår det å sjå om entusiasmen og  velviljen er like stor når anlegg skal prioriterast og søknader om kommunale lånegarantiar kjem på sakskartet. 

Presentasjonen Stein held for politikarane fortel mykje om  den positive utviklinga dei siste åra og mykje om planar framover. Den er absolutt verd å kikke på, og du finn den her...
Under kan du sjå fleire bilete frå synfaringa.