Velkomen til Hjelmelandsdalen og Harpefossen, staden der du og familien får det triveleg heile året! På Harpefossen kan du byggje draumehytta rett ved det populære skianlegget der du vinterstid finn alle skitilboda du treng.

På sommaren finn du eit mangfald av turmogeligheiter i Hjelmelandsdalen. Ta beina fatt opp over tregrensa, sett deg på sykkelen innover skogsvegane eller kanskje du har mest lyst på ein ridetur?
 Den som er glad i å fiske finn seg godt til rette i elva Hjalma, på Svartevatnet eller eit av dei mange kringliggande fjellvatna. Jegerlukka vert komplett på hausten. Då kan du oppleve spaninga ved å gå etter kronhjorten, eller du kan ta vennegjengen med på sosial småviltjakt.

Harpefossen Hyttegrend AS er eit utbyggings- og driftsselskap for hyttetomtar tilknytte skisenteret på Harpefossen.  
Selskapet sitt føremål er å legge til rette for hyttebygging i Hjelmelandsdalen, og  kunne tilby attraktive, byggeklare hyttetomter.

Hjelmelandsdalen utmarkslag og grunneigarar i Hjelmelandsdalen er i hovudsak  aksjonærar i selskapet.

Kontaktinformasjon:
Reidar Vonheim : tlf 901 53 660
e-post: Denne e-postadressen er beskyttet mot programmer som samler e-postadresser, du må slå på Javascript for å kunne se den.

Status pr juli 2009.
Det fyrste hyttefeltet, Harpefossen hyttefelt, inneheld 46 tomtar  som  blei lagt ut for sal i november 2005. Hyttene ligg i feltet som er merka FB3 på biletet under
Pr juli 2009 er alle tomtane selde,  utanom tomt nr 36 ( kr 390.400,-) og tomt nr 44 (kr 216.000,-)  (pluss omkostningar)

25 hytter er ferdige eller under oppføring. 
Tomtekjøparane kjem for det meste frå kystkommunane Herøy, Ulstein, Selje, Vågsøy, Bremanger og Flora, men  også Eid og Stryn  har kjøparar på lista.

Vi har no utarbeidd utbyggingsplanar for to nye hyttefelt, FB6 Furuhogane  og FB7 Naustdalsetra,  som ligg aust/nordaust for det fyrste feltet.  I desse to felta kan vi tilby til saman ca 100 tomter. Her er tomtane gjennomgåande noko  større, og ligg fint  til i terrenget med storslagen utsikt.

Pr juli 2009  er vi komne langt med klargjering av dess felta. På Naustdalsetra er ei hytte ferdig og eit par andre blir starta opp om ikkje så lenge.
På Furuhogane er 10 tomter selde. I tillegg er nokre kjøparar i tenkeboksen, så det ser ut til at målet om 15 signerte kontrakter i 2009 blir oppnådd.  Det aller meste av vegar, vatn, avløp og andre installasjonar er på det næraste ferdige, og dei ivrigaste tomteeigarane er no komne godt i gong med bygging av draumehytta.


På biletet ser vi  Cliff Hasfjord frå Moltustranda på tomt nr 42, som prøvar å legge puslespelet det ofte kan vere med eit byggesett.
5 andre tomteeigarar er i gong med bygging, slik at totalt 6 hytter vil kome opp i løpet av hausten. 

I fotoalbumet vårt  har vi laga fleire album frå hyttefeltet på Furuhogane. Her kan du sjå bilete av området  og utsikta frå ein del av tomtane. Albumet finn du her...

Ta gjerne kontakt med  Reidar Vonheim : tlf 901 53 660 
Denne e-postadressen er beskyttet mot programmer som samler e-postadresser, du må slå på Javascript for å kunne se den.      for meir informasjon eller omvisning i området.

Her er føresegner og utbyggingsplan for desse to hyttefelta:
Føresegner
Utbyggingsplan

Last ned folder om Harpefossen Hyttegrend