Bli med på laget!
Skisenteret på Harpefossen baserar  i stor grad drifta på dugnadsinnsats. Vi har alltid bruk for fleire personar til å dele på arbeidet, og vi oppmodar alle interesserte til å bli med oss på laget og gjere ein innsats for skitilbodet på Harpefossen.  Vi kan tilby eit trivelig og sosialt miljø i eit skisenter som er inne i ein spanande utviklingsperiode.

Drifta av skiheisane, preparering og snøproduksjon er organisert av skisenteret. Vi har bruk for heisvakter og folk til billettluka i helgane og vakter til snøproduksjon på kveld- og nattestider. Vi har også bruk for fleire til å køyre prepareringsmaskiner. Alle desse vaktene blir kompenserte med frikort i skiheisane.

Drifta av varmestova og parkeringsplassane blir organisert av  idrettslaga til Haugen og Stårheim. Her har ein bruk for kioskvakter og parkeringsvakter i helgane, i vintereferien og påskeferien.  Innsatsen du legg ned i dette arbeidet vil vere med å styrke økonomien til idrettslaga,  og gjere laga i stand til å vidareføre og styrke aktivitetstilbodet til ungdomen i heile kommunen.
Ta kontakt med oss her...